جنرال دوستم نینگ بی بی سی شبکه سی نینگ خبر چی سی هارون نجفی زاده بیلن مصاحبه سی (15 حوت 1392) بدخشان سیلاو کینگاش ده.

 جنرال دوستم نینگ بی بی سی شبکه سی نینگ خبر چی سی هارون نجفی زاده بیلن مصاحبه سی (15 حوت 1392) بدخشان سیلاو کینگاش ده.

http://www.bbc.co.uk/persian/afghanistan/2014/03/140307_l93_dustam.shtml

تحول و تداوم تیمی نینگ بیرینچی اورین باسری جنرال عبدالرشید دوستم نینگ بی بی مخبیری بیلن سوز یوریتیشی.
جنرال عبدالرشید دوستم هارون نجفی سوراقلریگه شونده ی جواب بیردی.
نجفی: نیمه اوچون باشقه نامزدلرنی قویب اشرف غنی احمدزی دن حمایت قیلدینگیز؟
جنرال دوستم: بیر هر تیم بیلن بولسه اوستون بولر ایدیک، بیراق شمال و جنوب قیین چیلیگی کوپه یر ایدی، باشقه تماندن بیز، داکتر اشرف غنی احمدزی جنابلرینی یخشی انسان و افغانستان خیریگه بیلدیک.
نجفی: اشرف غنی بیلن حاضر و سیلاولردن سونگ بیرگه قالیشگه قنچه لیک ایشانه سیز؟
جنرال دوستم: بیزنینگ اورتاق لیگیمیز دوامدار، جانیمیز باریچه بیر بیریمیرنی حمایه قیلیب یانمه یان قاله میز، جنرال دوستم بیرگن سوزیگه توره دی.
نجفی: سیز برچه وقتده ایکی میلیون آوازیم( راییم) بار دییسیز قیسی اساسده؟
جنرال دوستم: اون ییل آلدین کاندید قیلیب بیر میلیون آواز ( رای) آلگن ایدیم، حاضرگه کوپلب یاشلریمیز نینگ یاشی آواز ماس بولگن، باشقه تماندن اون ییلدن بیری آرقه داشلریمیز کوپه یب بارماقده. ایکی برابر بولگن.
نجفی: اوستون بولیشگه قنچه لیک ایشانه سیز؟
جنرال دوستم: تنگری تعالی یاردمی بیلن یوز فایز اوستون میز،سیزلر تخار و بدخشان ولایتلرینی کوردیلرینگیز مردم بیزنینگ تیمیمیزدن حمایه قیلدیلر، ایریم ولایتلرهم بیزنی کوتیب تورگنلر، حمایه اوچون بیل باغله گنلر، انشاالله اوستون میز.
نجفی: سیلاولرگه قولاب لیک بولیشیدن خواطرده سیزمی؟
جنرال دوستم: هه بیزهم قولاب لیک دن خواطرده میز، اگرده کینگ شیکلده قولاب لیک یوزبیرمسه اوستون بوله میز، قولاب لیککه ایزین بیرمه یمیز، مردم حمایه قیلمه گن کیشی اوستون بولگن صورتده، اولوس قولاب لیک بولگنینی بیله دی، بیز قبول ایتمه یمیز.
نجفی: قیوم کرزی و زلمی رسول نی بیرگه بولیشیدن نیمه دییسیز؟
جنرال دوستم: بیز اولردن قیغورمه یمیز، بیز اولوس آوازیگه ایشانه میز، بیرگه بولیشلردن قورقمه یمیز و آلدینگی تیکشیریشلردن اولرنینگ قنچه لیک آواز آلیشی بیللی دیر.
نجفی: اگرده تیم لرینگیز اوستون بولمسه، اینگیلیشنی قبول ایته سیزمی؟
جنرال دوستم: مینینگ تیلیمگه اینگیلیش توغری کیلمه یدی، تنگری تعالی یاردم بیلن اوستون میز، حاضرگچه انگیمگه اینگیلیش کیلگنی یوق، بیرار کیشی شفاف تورده بیزدن کوره کوپراق آواز آلیب اوستون بولگن صورتده، قوتلوغلب بیر اوزبیکی چپن ییلکه سیگه تشله یمیز، و قیته دن اولوس حقی اوچون کوره شیشگه دوام بیره میز.
نجفی: مردم سیزلرنینگ تیم لرینگیز جدی تیم دیب آت قویگنلر، حقیقتده هم جدی می؟
جنرال دوستم: سیز گواه بولیب توریب سیز، افغانستان نینگ بیر تمانینی طالبلر و بیر تمانینی انتحاری و تنیچ سیزلیک بوزیب بارماقده، باشقه تماندن زمین خورلر دیسک می مافیالر دیسک می اداری فساد بیلن بوزیب بارماقده لر، انه شو یمان لیکلرنی اورته دن ایلتیش اوچون اشرف غنی احمدزی و بیز جدی میز، افغانستاننی اوشبو یمان لیکلردن نجات بیره میز، برچه گه بیزنینگ جدی بولگنیمیز بیللی، جدی بولمه سک اولکه میز توزه لمه یدی.
عزیز اورتاقلر! کوپراغینی کیله سی کیچه باتور و آینه تلویزیونلریدن کوریب تینگلب قالینگلر.