درزاب و قوشتیپه اولوس لیگ لری نینگ تینچسیز لیک باره سیگه

درزاب و قوشتیپه اولوس لیگ لر گه هر کون اوروش و هر کون ایکی تامان دن هم اوزبیک اوله دی و هم اوروش سبب دن هم اوزبیک لریا اوله دی و یا ضرر کوره دی. و فقط درزاب و قوش تیپه ایمس بلکه اوزبیک لر یشه ی دیگن جای لر تقریبا برچه سی شوندی حالت ده.

جنوب و شرق و غرب که بار ایکی قوم لر ایکی سی هم حکومت نینگ شریک لری. بیر بیری دن حذر قیلیب هم بیر تاش آتکن ده ایکی تاش نی قیره دی و هر بیر تینچ سیز لیک کیلگن ده بیر بیری اوچون سیس چیقره دیلر. اوشه اوچون 16 ییل دن بیری هر بیر تینچ سیز لیک هر جای گه یوز بیرگن ده تیز ده مهار قیلگن لر و  فقط سیاسی هدف لر گه ایش آله دیلر.

اما اوزبیک فقط ایکی تامان دن اوله و برچه قوم لر تماشا کوره دیلر. چونکه اوزبیک هر قنچه اوز ایچی گه اوروش سه اوشه اندازه بولر نینگ حکومت دوام تاپه دی. و اوزبیک لر حکومت دن حق آلیش دن محروم قاله دی، تحصیل دن اوزاق قاله دی، هر اوزبیک که اوله دی حقیقت ده بیر عایله تباه بوله دی. اما اوزبیک لریمیز دن هیچ کیم نه سیس چیقره دی و نه پروا قیله دی.

بیر تعداد لر خواه جنبشی بولسین و خواه غیر جنبشی فقط شو انتقاد بیر بیری دن قیلسه و بس. باشقه نرسه نی بیلمه ی دیلر. و هر بیری سی نی آلدیگه بارسه ینگ بار پروگرام لری شو که اوزبیک آدرس دن مقام گه یتیشسه و معاش و امتیازات آلیب تا برطرف بولگین چه باشقه نی ایس له مه ی و اما برطرف بولگن دن اوزبیک حق دیب ایس گه کیلسه.

مگر شو ایل میز نی امنیت و تینچ لیکی هم حق می یا یوق؟ مگر شو طالب و داعش بوله دیگن لر هم کوپ سی بیکار لیک دن شکار بوله می یا فقط ذهنیت دن؟ مگر هر بیر ایگیت که تینچ سیز لیک سبب دن میلتیغ کوته ره دی، میلتیغ کوته ریش اورنیگه قلم آلیب تحصیل قیلسه، حق اوزبیک می یا فقط نیچه ته شعر فیسبوک گه یازیب و نیچه ته شاعرانه سوز ایتیب آچ قارنی میز بیلن اولتیرگن حق می؟؟؟

یوق شعر و شاعر لیک بیلن حق آلیب بولمه ی دی، فیسبوک گه چیقیب موقف و شخصی منفعت قولدن کیتگن دن شکایت قیلگن بیلن حق آلیب بولمه ی دی. بلکه هر بیر اوزبیک نی تینچ یشه ماق، تحصیل قیلماق، ایش تاپیب مصروف بولماق، روزگار نی آبرومندانه اوتکرماق، راحت راق یشه ماق، .... بولر نی حق دیب ایته دیلر. بو نرسه لر مردم نینگ حق حساب بوله دی نه بیر نیچه مقام و موقف نیچه شخص گه.